Video
Read full review
2023-12-09
257 views
呢間嘢竟然喺東大街生存咁耐，真係奇葩！午膳期間叫咗一份鹽燒牛肉，及鹽燒豬肉。跟餐係忌廉湯及所謂蕃茄湯。叧加咗五蚊轉普通熱咖啡及熱檸檬茶一杯。先上咖啡及檸檬茶，檸檬茶正常味道。咖啡冇攞糖嚟，叫佢攞糖，竟然畀一杯白糖畀我！你估你呢度係舊式茶餐廳咩？畀得加五蚊叫杯咖啡，你竟然唔俾黃糖我！(埋單嗰陣我問佢呢度有冇黃糖，佢話有，我問佢點解唔畀？佢話唔好意思！)連飲咖啡落黃糖都唔知，已經睇得出呢間嘢對於食物質素係幾有誠意！杯咖啡味道…最cheap嘅茶餐廳都好過佢！真係可以用難飲嚟形容，都唔知用乜嘢整出嚟！忌廉湯面頭有浸油，好明顯係過渡烹煮。等咗好耐先至嚟所謂嗰個蕃茄湯，其實係豬骨湯，加咗幾粒生蕃茄入去！真係唔識欣賞！主菜方面，幾片牛肉但係非常之韌，好似食膠一樣，而且有根，趙來趙去都趙唔爛！啲汁係半透明，好似鼻涕一樣而且冇乜味！你用燒汁淋上去都還好啲啦。豬肉味道正常。兩碟嘢除咗牛肉同豬肉唔同，其他配菜同汁都係一樣。埋單收188蚊,最初以為冇加一，因為佢個餐牌寫晚市有加一，(正常理解，咁即係午市冇啦)原來午市都有！咁係咪有啲取巧呢！最妙嘅係竟然八達通唔收，信用卡唔收，只收現金！佢門口有斧頭扒食，售價9
叧加咗五蚊轉普通熱咖啡及熱檸檬茶一杯。
先上咖啡及檸檬茶，檸檬茶正常味道。咖啡冇攞糖嚟，叫佢攞糖，竟然畀一杯白糖畀我！你估你呢度係舊式茶餐廳咩？畀得加五蚊叫杯咖啡，你竟然唔俾黃糖我！(埋單嗰陣我問佢呢度有冇黃糖，佢話有，我問佢點解唔畀？佢話唔好意思！)連飲咖啡落黃糖都唔知，已經睇得出呢間嘢對於食物質素係幾有誠意！杯咖啡味道…最cheap嘅茶餐廳都好過佢！真係可以用難飲嚟形容，都唔知用乜嘢整出嚟！忌廉湯面頭有浸油，好明顯係過渡烹煮。等咗好耐先至嚟所謂嗰個蕃茄湯，其實係豬骨湯，加咗幾粒生蕃茄入去！真係唔識欣賞！
主菜方面，幾片牛肉但係非常之韌，好似食膠一樣，而且有根，趙來趙去都趙唔爛！啲汁係半透明，好似鼻涕一樣而且冇乜味！你用燒汁淋上去都還好啲啦。豬肉味道正常。兩碟嘢除咗牛肉同豬肉唔同，其他配菜同汁都係一樣。
埋單收188蚊,最初以為冇加一，因為佢個餐牌寫晚市有加一，(正常理解，咁即係午市冇啦)原來午市都有！咁係咪有啲取巧呢！最妙嘅係竟然八達通唔收，信用卡唔收，只收現金！佢門口有斧頭扒食，售價998蚊，連埋加一都過千啦！乜你期望啲客攞成千蚊現金嚟找數？
一句講曬，呢間嘢食物質素唔掂，唔識煮嘢，兼且服務，餐牌都好有問題，但竟然喺呢條街度可以生存咁耐，真係奇葩！
加咗五蚊嘅咖啡
4 views
0 likes
0 comments
鹽燒牛肉
5 views
0 likes
0 comments
Post
