十二味 (謝斐道)

Open Now

Now Closed

太耐冇同朋友見面，喺度見到d食評都話呢間餐廳唔錯，就扑鎚黎試一試。餐廳取消左電話預約，所以準時到嘅朋友就先去攞位。餐廳表示要人齊才可入席以及用餐時間為90分鐘。no problem lah！等到人齊我地就被安排就座於水吧前嘅4人枱餐廳冇menu嘅，係用手機app落單。對於我呢個脫左節嘅師奶仔黎講係幾唔方便落完單後好快就上菜。叫左：炒辣鍋（小辣）、酸辣土豆絲（小辣）同口水雞（中辣）。本身都驚正宗川菜會係好辣，所以只叫小辣同中辣。但食落又唔辣🌚總括而言食物水準一般，冇食評所講咁好味。又可能係我抱太大期望，所以會咁失望價錢算抵食，我地點左3個菜，1支啤酒，盛惠$373，未連加一。服務方面，係冇服務可言可能因為連落單整個過程都係app化，所以我地加三次水（去過都知個水杯有幾「大」！）都係要叫服務員過黎添水，但我喺app又唔見有加水呢項服務🧐唔知d服務員唔使落單，又唔使主動加水，淨傳菜，其餘時間仲可以做d咩呢🤔最後埋單係$410。下次都係食麻辣派x好過。呢間真係可一不可再