喜家狗仔粉

Open Now

Now Closed

有無人同我一樣好愛食菜脯、蝦米、冬菇呢一類嘢？最愛呢類東東放落湯麵，好惹味㗎。話說以前寶琳街市，有一間食狗仔粉嘅，每逢冬天就一定會食，可惜街市重整(即迫遷啦)食店就執咗喇。因為好掛住呢種味道，所以依家每逢出街見到狗仔粉就會有衝動去食。喜家就係其中一間啦！佢有其他嘢食嘅，但今次專程食狗仔粉。除常見嘅冬菇蝦米食材之外，仲有蜆仔粒 & 瑤柱碎，所以湯頭都幾甜。麵條偏淋身，令到啲湯有少少杰 & 漿口。菜脯有原味、小辣、多辣選擇，建議要小辣好啦，因為佢都真係幾辣，太辣就會蓋過狗仔粉嘅味道。‼️♿️ 食店主要做街坊生意，同埋只有外賣。各位輪椅朋友可以買返屋企食喎！