前座飯堂

Open Now

Now Closed

上個星期去開大坑，打開Openrice見到前座裝修好特別，食物吸引，於是去試下。首先間嘢打卡好靚，坐入鋪頭入邊好有氣氛。不過見大多係2人台，而小鋪地方不大。星期六下午1：15坐低，唔使等位。但同想象中唔同嘅地方：⚠️見到Openrice有餐牌，但當日去到係QR掃 Code落單。以致本身睇好食個款以為$45，落單原來$88唔知係咪印錯還是星期六日唔同價…⚠️叫左個拌麵，落單至少半個鐘先有嘢食。雖然人手得一位靚女，都理解上餐速度慢啲。但餓餓哋想坐低食嘢，真系有點燥。即系叫人餓就唔好食呢間咁解🤣正題👉🏻今次叫左：涼拌酸辣或麻辣米線/紅薯粉 $88-薯粉-麻辣-唔記得係咪叫左BB辣加豬大腸 $ 20 味道：十分好味。少少辣又夠麻，鐘意食麻辣嘅朋友必試！辣辣地又有配料青瓜絲、木耳、娃娃菜。不過娃娃菜可以淋少少。(ps：唔知應該餓得濟覺得食咩好好味) 加左豬大腸，冇騷味幾好食，不過偏鹹。另外薯粉都好入味，煮得啱啱好。配料仲有鹹酸菜。份量：薯粉本身好大份夠飽肚，加埋仲有青瓜絲木耳娃娃菜。真系好足夠。$20加左份豬大腸都有5大舊(或以上)價錢：自己覺得一個薯粉$108蚊偏貴，好在味道同份量都可以搭救返。