丼瀛 (Closed)

廟街都有日本野食，估你唔到呢。丼瀛。日式格調，木檯，和風，綠飲茶。其實店舖都細既，所以大家都要坐得辛苦D。我男朋友係個小胖子，坐左兩個鐘左右佢話屁屁有D痛哈哈! 大家可以參考下...(呢位店員服務好好，加唔加水加唔加鼓油都會問聲你先。)7點半到步，已經人頭湧湧。坐滿晒間店。好鬼熱鬧。揀左丼瀛龍蝦剌身雙層爆丼同A築地壽司杯。築地壽司杯有氣勢，五杯唔同款。男朋友一黎已經掃左杯海膽。加左黑松露係上面幾有創意，香口，更加估唔到佢地會夾得埋。另外仲好貼心咁幫你分開左隻鮑魚。方便你SHARE食。三文魚夠肥美。兩隻海蝦反而有點失望，望落好正咁但竟然暖左，唔夠爽同鮮。男朋友仲抗議咁話隻杯既形狀搞到佢好難扒飯.....氣勢如虹既龍蝦出場啦，龍蝦觸角好長，直達天際，頭又大，入面既膏好多。我問店員拎左隻碗放出黎慢慢食，丼隻碗太細....D膏真係無得輸，金黃色，龍蝦肉都超正，肉好實，唔會咬落去散開。做運動既龍蝦呀。刺身就比龍蝦遜色得多。同岩岩個海蝦一樣問題，帶子同魚都暖左d。食唔出鮮味，魚仲有點腥。龍蝦底有飯，另外跟個烏冬，兩個人實飽。呢個醬汁睇落似芝士加蛋黃醬，男朋友就話食落去係好濃既南瓜汁。我自己比較鐘意