香港小熊

Open Now

Now Closed

今日響尖沙咀行街，途經呢間舖頭，見到入邊有好多好得意嘅熊仔，忍唔住入去參觀一下，店舖主要係買曲奇，西式餅點，仲有飲品同埋近期熱賣嘅小貝蛋糕，全部香港製造，而原材料就係由外國進口。呢度全部嘅曲奇酥餅嘅盒罐都印有可愛嘅小熊，好多款式，仲有啲富有香港特色嘅，精緻美觀。我見咁得意就買咗一盒四味曲奇，兩款小貝蛋糕嚟試吓。四味曲奇（小）$120一盒曲奇有齊原味，朱古力味，咖啡，同埋抹茶四款口味。一個個唧花曲奇整齊排列於盒中，份量都幾多。曲奇好鬆化，好香牛油香氣，個人特別喜歡抹茶味清香，最適合下午茶時候， 曲奇配一杯花茶，享受一下慢活生活。惡魔肉鬆蛋糕惡魔肉鬆口味，即係朱古力加肉鬆，果然夠晒邪惡，唔怪得知叫惡魔。鬆軟嘅朱古力蛋糕表面上鋪滿咗肉鬆同朱古力，兩層嘅蛋糕中間夾住香滑嘅朱古力忌廉。一口咬下去，蛋糕濕潤鬆軟，香濃朱古力加上鹹香肉鬆，滋味在其中。檸檬肉鬆蛋糕口味清新，鹹香肉鬆，加上淡淡的檸檬清香忌廉，好適合夏天食。店舖除咗曲奇之外，仲有杏仁酥，朱古力脆片同埋蝴蝶酥等等，下次有機會可以試吓。