和牛燒肉一郎 (寶漢大廈) (Closed)

一路都知和牛燒肉一郎嘅食物質素好高，今次去咗銅鑼灣店食，食得好開心好滿足～餐廳裝修以白色為主，座位闊落，坐得舒適！我哋選擇咗 E Course 日本黑毛和牛12款+海鮮, 店員先送上是日黑毛和牛精選黑毛和牛六款盛合（包括三角腹肉，牛肋肉，肩胛肉，牛肋條，一口牛，肉眼）同海鮮三款盛合（原隻魷魚筒、青口、蝦）我哋首先燒原隻魷魚筒，魷魚好大隻，因為火夠猛所以好快燒好，熟咗一d都唔會太un太乾，肉質彈牙～店員提醒我哋燒到咁上下要將魷魚剪細啲，一舊舊燒比較好黑毛和牛每款都油脂豐富，入口即溶！個爐夠猛，燒和牛真係一流～咁多款和牛之中我最鍾意係三角腹肉、肩胛肉、一口牛同肉眼🐮不過燒油脂咁豐富嘅肉要少心搶火，唔好開太大火，否則好易燶～除咗本身個餐set好嘅黑毛和牛精選同六款黑毛和牛，有幾款黑毛和牛都可以任食嘅，我最encore 得最多嘅係和牛薄灸里脊肉加埋溫泉蛋同壽喜燒汁味，味道更上一層樓！！餐廳仲有提供牛刺身，果日唔太想食生牛肉，所以叫咗份炙燒壽喜燒壽司 配雞蛋～佢個一大片牛肉包住壽司飯，再用火槍灸燒牛肉，加埋溫泉蛋一齊食好正好味除咗和牛同海鮮之外，我哋仲叫咗香蔥海苔溫泉蛋拌飯同和牛一齊食，份量適