阿里吧吧

Open Now

Now Closed

見到openrice呢間小店幾多好評，賣嘅糖果同朱古力都係黎自中東，好有特色～ 所以趁去開九龍城就黎試吓！店內佈置好有中東風情，朱古力同糖果好多選擇，所以唔覺唔覺都揀咗好多粒～ 埋單都幾貴下，平均除開每粒要$18左右～ 嗰晚買番黎之後，第二晚就攞嚟食喇，先食咗一粒玫瑰鳥結糖，味道比較甜d～跟著再攞粒朱古力黎食啦，咬開咗一半，見到剩低嗰一半竟然有條白色蟲仔喺中間好生猛咁「了黎了去」！嚇到我即刻吐番口中嗰半出黎。。。😱 剩返嗰啲我都唔敢再食喇，第二朝打電話俾店家反映同要求退貨，店員話應該係個別事件，剩返嗰d應該冇問題仲叫我放心食tim… 佢叫我切開其他檢查吓，我切咗其中幾粒又冇蟲嘅… 不過經過呢個驚嚇事件，我當然冇信心再食😓 最後店員話可以換貨，而唔可以退貨… 咁都算啦… 最後我去換咗店內其他產品（茶包同碟仔），仲要額外補番差額$7 添… 以後買朱古力會小心d！