千銅和食屋 (Closed)

🤗住屯門的朋友，有福了！🤩 未試過這個🦀蟹國天丼，真係要入屯門試下！！！.復活假期，行完山，來到屯門覓食，誤打誤撞來到這間平民小店。見係黃店，又只係等一張枱，就試下啦～ 都無做任何research就坐低點餐了。我們沒有點二人餐，散叫了一個烏冬，一個人氣no. 1的蟹國天丼。.🦀🦀🦀（10/10）蟹國天丼 $118，令我會比爆分佢，因為係我暫時食過最好，最足料，性價比最高的天婦羅丼飯。真心，無誇大，你睇相見到，一個飯🦀有原整一隻軟殼蟹，海量蟹子，芝士蟹子，不計成本的蟹肉，還有大量蟹膏可以撈勻全碗飯‼️軟殼蟹炸到酥脆，咬落去卜卜聲。蟹肉鮮甜而且勁多，有我好喜歡的芝士蟹子。其實就呢幾樣餸已經好滿足，但拎開啲餸，你發現飯面鋪滿蟹膏，真係超驚喜😱 再望真啲個價錢，只係 $118，無加一！仲係咪蝕本價？🍲 （7／10）日式炸餃子湯烏冬 $58OK.. 好激動咁介紹完個天丼，湯烏冬就其實無咩驚喜嘅，炸餃子都係炸得好脆，但多油咗少少，就係一個正正常常的烏冬。但價錢只係$58，其實我覺得對得住佢個質素架。