Video
Read full review
2016-07-06
7557 views
同男朋友係ifc睇完戲，出嚟發現已經七點。咁梗係搵吓周圍有咩食啦，上網睇下原來上環附近有台灣嘢食喎，咁就搭一個站試試佢啦。屋喔裝修好田園，用咗木係同埋一啲草阿花嘅裝飾，感覺好寫意。因為食嗰日係星期日，七點已經好多人。不過啲座位都幾舒服，我哋仲有卡位坐添。我哋叫咗一個糖心蛋，三杯大蝦， 鹽酥雞，烤大蝦花枝墨汁意大利麵。飲品我哋就叫左百香果菲芒沙冰同埋brothers草莓汽酒。其實真係好大食，仲食咗個窩夫！首先嚟嘅係糖心蛋糖心蛋係有滷水嘅味道，非常之入味。蛋中間糖心嘅效果亦都唔錯，唔會太熟，岩岩好。三杯大蝦分量好足，有好多隻蝦，而且都幾大隻。用咗煮三杯雞嘅煮法去整，蝦殼走油後好薄好脆好易咬開。蝦肉好爽身，味道小小辣又有小小甜，好野味！烤大蝦花枝墨汁意大利麵濃濃黑色嘅意粉，一睇就知個汁好濃郁啦！大大隻蝦係意粉上面，蝦肉彈牙。意粉充分咁吸收咗墨汁嘅味道，仲有好香嘅牛油味。食台灣野又點小得鹽酥雞呢！呢到嘅鹽酥雞幾出色，細細粒一啖一粒易入口。醃得好入味，雞粒炸得好香脆，又唔會炸到乾哂。又香口又好食呢！百香果菲芒沙冰呢杯飲品好吸引，一上枱嘅時候就已經見到個超級大杯。百香果同埋芒果嘅味道都好濃郁，唔會
咁梗係搵吓周圍有咩食啦，上網睇下原來上環附近有台灣嘢食喎，咁就搭一個站試試佢啦。
屋喔裝修好田園，用咗木係同埋一啲草阿花嘅裝飾，感覺好寫意。因為食嗰日係星期日，七點已經好多人。
不過啲座位都幾舒服，我哋仲有卡位坐添。
我哋叫咗一個糖心蛋，三杯大蝦， 鹽酥雞，烤大蝦花枝墨汁意大利麵。飲品我哋就叫左百香果菲芒沙冰同埋brothers草莓汽酒。其實真係好大食，仲食咗個窩夫！
首先嚟嘅係糖心蛋
糖心蛋係有滷水嘅味道，非常之入味。蛋中間糖心嘅效果亦都唔錯，唔會太熟，岩岩好。
三杯大蝦
分量好足，有好多隻蝦，而且都幾大隻。用咗煮三杯雞嘅煮法去整，蝦殼走油後好薄好脆好易咬開。
蝦肉好爽身，味道小小辣又有小小甜，好野味！烤大蝦花枝墨汁意大利麵
濃濃黑色嘅意粉，一睇就知個汁好濃郁啦！大大隻蝦係意粉上面，蝦肉彈牙。
意粉充分咁吸收咗墨汁嘅味道，仲有好香嘅牛油味。
食台灣野又點小得鹽酥雞呢！
呢到嘅鹽酥雞幾出色，細細粒一啖一粒易入口。醃得好入味，雞粒炸得好香脆，又唔會炸到乾哂。
又香口又好食呢！
百香果菲芒沙冰
呢杯飲品好吸引，一上枱嘅時候就已經見到個超級大杯。百香果同埋芒果嘅味道都好濃郁，唔會太甜，沙冰亦都忙得好細滑。
另外嘅個杯飲品非常吸目！
Brothers草莓汽酒。
呢杯飲品係將士多啤梨味嘅果酒倒轉插左係個杯上面，跟住撈埋左梳打汽水，變咗一杯果酒嘅特飲。分量好大杯，士多啤梨味甜甜地又帶少少走未，加埋梳打水好似飲緊水果味嘅汽水咁，幾特別。最後我地仲食咗個甜品，係屋喔窩夫！
新鮮整好熱辣辣嘅窩夫，配以士多啤梨雪糕，奶油cream同迷你冬甩。窩夫好鬆軟，又帶有好香牛油味。配埋雪糕一凍一熱食好正！
好豐富嘅一餐！如果係中上環個邊想食飯，呢到都幾方便就腳咖！
Post
