老厝邊

Open Now

Now Closed

呢間小店已經encore咗幾次，之前食過佢哋嘅主食都覺得好唔錯，而小食方面做得更加出色，印象深刻嘅有芋泥蛋餅、炸排骨同甜不辣！今日同朋友仔行完街又入咗去～ 平日晚上到訪都好多人排隊，等咗都差唔多有20分鐘先有位，果然有料到。蛋餅叫咗兩款口味，分別係肉鬆同粟米，兩款都會搭配芝士，前者鹹香，後者清甜，各有千秋。蛋餅皮煙煙韌韌，味道偏清淡，要點埋醬汁。見隔籬枱個拼盤好吸引，所以自己又要返個。今次叫咗個海陸鹽酥雞拼盤，性價比好高，而且適合選擇困難症人士，因為咩都有齊晒。我就最鍾意甜不辣同魷魚酥，前者煙靭，後者爽彈👍 最後要埋炸大雞排，外層炸至金黃酥脆，炸粉唔算好厚，食落啖啖肉，而且完全唔油膩，食完都唔會覺得口渴，值得一讚。