你妳 (Closed)

粉紅色外表嘅門面，以為淨係賣台式飲品，原來有小食同正餐選擇，喺我屋企行過去都唔使5分鐘，今日唔想出街食所以買完外賣便返屋企。佢哋選擇都幾多元化，特色吐司、麵、飯都有好多唔同嘅變化，$48起，價錢還算適中。鐵板牛肉吐司玩松露醬及炒蛋，鐵板牛肉加咗少少黑椒落去炒，牛肉份量都唔少，少少辣但係可以接受，整體份量都幾足夠。鐵路便當滷肉飯配一口鹽酥雞、台灣士林香腸及台南海鮮迷你蝦腸，味道算正宗，鹽酥雞放喺飯盒十分鐘都唔會覺得太淋，白飯份量有啲多差啲食唔晒。三層五花肉乾拌麵配澎湖花枝丸及香芋海鮮餅，五花肉紋理肥瘦分明，醃製亦入味，唔會太肥。花枝丸及海鮮餅水準都唔錯。白桃綠茶、葡萄柚烏龍茶及茉莉綠茶，幾杯都唔錯，白土綠茶白桃味比較香濃。