101台式休閒餐廳 (千色匯) (Closed)

記得荃灣德華公園對面曾經開過同名餐廳，事隔數年，再喺舊店不遠處再開，新店除左認到個名，無論裝修、餐牌都唔同哂。坦白講舊店會俾我較台灣嘅感覺，新店就好似荃灣緊有一間喺左近嘅雲南米線店。我揀左花枝丸魚腐麻辣蕃茄湯米線。拿，就咁睇相係咪同墨丸魚腐大辣冇分別呢😅花枝丸同魚腐都幾多（以下午茶黎講），米線都彈牙，湯就冇正品蕃茄果個風味辣蕃茄湯咁出色。朋友點嘅雲吞米線，雲吞數量都係下午茶黎講較多。湯冇特別升級轉口味反而有驚喜，係藥膳帶酒味嘅湯底，幾好飲。另外叫左碟滷水雞翼，雞翼幾入味、肉質都唔會滷到鞋哂。