春禧小館 (Closed)

咪以為我鍾意講飲講食就係「食家」😅 其實每次被人問起想食咩嘅時候… 我個腦都係一片空白😅 呢日好彩有人幫手揸主意💡帶我哋嚟到一間 #台式餐廳 #春禧小館 試新嘢😉餐廳本身個佈局都幾別緻，不過座位嘅分配就有啲奇怪，若果要搵埋一大班人過嚟lunch gathering ，真係要預早安排🤪 餐廳食物以台式口味為主，#滷肉飯、#鹽酥雞 當然唔少得😎 不過我就怕咗嗰種油膩感，所以最終揀咗個 #飯糰 定食🍙 #配菜 方面，我就揀咗 #沙律、#鹽酥雞粒 再配埋 #豆漿 做午餐🤤 估唔到佢哋嘅 #沙律菜 都幾新鮮，配埋 #芝麻醬 一齊食，份外滋味🤤 #鹽酥雞 份量唔會太多，鬆脆得嚟都幾惹味🤤 飲埋支可愛造型嘅 #豆漿，#小秘書 已經飽到再塞唔落個 #飯糰 落肚🤭 唯有擺到四五點嚟做下午茶😅外表睇起嚟油淋淋嘅 #飯糰 🍙 … 睇起嚟都唔想食😅 不過原來味道都唔錯，食落去有啲蝦米香，煙煙韌韌咁，鍾意食糯米嘅大家可以過嚟試吓喎😉 📍 春禧小館 (牛頭角)偉業街93號地舖