稻埕飯店 (V Point) (Closed)

香港台式餐廳越開越多，多數以小店或休閒輕食店為主，但今次同朋友去位於銅鑼灣V Point 嘅「稻埕」就好吾同，餐廳內裝潢精緻，色調主要是浪漫紫色，整體好grand到處都係打卡位，餐牌上菜式亦多樣化。白滷水九孔鮑魚$238 鮑魚厚肉爽口彈牙，一啲都冇overcook，滷得入味，餐廳重好細心將鮑魚一分為二方便進食，鮑魚下重有甜不辣！蟹肉帶子蛋白泡泡脆米金湯$138 蛋白白雪雪軟綿綿，金湯係南瓜🎃湯再配蟹肉、帶子、蝦肉、脆米等材料豐富，飲落鮮甜！香煎九層塔醬油大虎蝦$328 擺盤已好👀，新鮮虎蝦大大隻，爽口彈牙再加埋九層塔提鮮香氣更濃！八斗子炒飯$158 一上枱已聞到陣陣炒飯香味，大大隻嘅虎蝦係中間又係好吸👀面層鋪滿肉鬆，飯底炒得乾身粒粒分明，虎蝦彈牙重有帶子，肉類、蟹肉和蟹籽口感非常豐富真係好好食😋燒香鳳梨芭樂安格斯牛小排$188 安格斯牛小排大大件肉味濃配以醒胃酸酸甜甜嘅鳳梨🍍非常之夾！薑汁桃膠燉杏仁鮮奶$52/碗 好香杏仁味和薑味，桃膠份量亦多，飲落又香又滑，真係養顏又滋潤