掌門精釀啤酒

Open Now

Now Closed

Yoyoyo，終於唔洗困喺屋企飲啤酒🤪！俾個驚喜湜澄爸，帶佢去飲佢鍾意嘅手工啤🍻。仲要一次過飲到六款臺灣精釀啤酒，再加好味小食，我真係一個好老婆🤪！見到舉行緊［臺灣精釀啤酒節］，有六間台灣精釀品牌🕺🏻 ，仲以 On Tap 形式供應啤酒，梗係要試下！以下係不專業酒評🍺，由爆淡到濃味：🍺 紅龍果柳丁酸啤係好靚嘅玫瑰紅，酸酸橙皮香味，清爽又開胃，🍺小暑茉莉花社交型啤酒 ，有優雅茉莉花香，金黃色，收尾有小小啤酒花嘅回甘，我好鍾意呢個，🍺 馬告白啤酒係有趣嘅東南亞香味，夾雜香茅、檸檬、薑，飲落都有少少香茅味，配炸牛腩可以解膩。🍺暗黑蜂蜜啤酒好深色，但聞到焦糖香，飲落少少蜂蜜甜，係有趣嘅對比，🍺百香果酒花 ，好啱女孩子嘅 IPA 啤酒，好香熱帶水果香氣，百香果味尤其突出，微酸，清爽易入口！🍺蚵仔黑 聽聞用蠔殼蠔肉釀酒，苦中泛甜，帶有朱古力、咖啡香氣，仲飲得出好順滑。講咗咁多酒，其實我地都叫咗好多小食佐酒，推介：麻辣魔芋，麻辣勁度十足，邊食邊嘆啤酒好爽。燒牛舌都啱啱好，少少淋但保持咬口感，拼盤入面炸牛腩炸芝士等等等等都好啱送酒。