老鍋台式火鍋 (Closed)

香港人一年四季都中意打邊爐。去完台灣番黎愛上左台式火鍋。老鍋台式火鍋喺銅鑼灣有兩間分店，今次到訪澳門逸園中心店。餐廳位置唔算多，枱與枱間有適量空間，二人枱夠闊落，坐得舒適。枱邊設有布籃，客人可以放置個人物品。裝潢方面走中國風，木色枱櫈，以格子木門作分隔，有點古色古香嘅味道。醬料區嘅醬料款式都算齊全，有青蔥、芫荽、炸蒜粒、醋、沙茶醬等。膠原蛋白美人鍋($228)湯底十分足料！有一整隻烏雞、杞子、紅棗、粟米、冬菇、京蔥同埋勁量嘅桃膠。據講桃膠具有豐富嘅骨膠原，有美顏嘅作用，而烏雞則滋潤補身，唔怪之得呢一鍋叫做美人鍋！黑白雙滑($88)超級爽口彈牙嘅墨魚滑。黑色嘅麥汁墨魚滑有驚喜，墨魚鮮味突出。3秒響鈴卷($48)雖然寫住滾3秒就食得，但我覺得滾多一陣咬落冇咁硬比較好食。響鈴卷係現炸嘅非常金黃香脆。千張豆葉紙($48)唔好睇佢平平無奇嘅外表，食落腐皮豆味香濃。一滾就熟，仲吸晒湯汁嘅精華，正！特級美國安格斯雪花肥牛($188)同埋紅柿白玉雙拼($58)。肥牛嘅雪花分布好平均，肉同脂肪嘅比例剛剛好，肉質嫩滑。蕃茄又大又新鮮，白蘿蔔非常鮮甜完全冇根唔會老。寬粉條($48)煮熟後呈透明狀，口感有啲似