Video
Read full review
2019-05-20
390 views
荃灣冒出一間極好評嘅街坊拉麵，大碗抵食又好味，終於編到入行程走一趟！ 排隊排足半個鐘，足見我嘅誠意啦掛。 魚介豬骨湯拉麵 配料有叉燒、溏心蛋、紫菜盛住精製魚介粉。台風拉麵嘅湯底以豬骨同雞骨做基本，質地超杰身，勁厚重，入口係黏口忌廉咪嘅質感，足見真材實料，膠質極奇豐富。味道亦夠香甜濃郁，啖啖都係精華所在，實在美味。將小店精製嘅魚介粉混和，再多一種海鮮甜味，味道更具層次感，值得一飲而盡。拉麵選用粗身曲麵，選擇嘅偏硬程度亦做到，粗麵更有效掛湯。兩大片叉燒亦非常討好，睇見師傅小心將叉燒切開，特地分一片邊位加上一片中間位，讓食客食到兩種口感。的確，一片叉燒係肉感較重，一片係半肥瘦，個人較喜歡半肥瘦較為腍滑。至於溏心蛋亦係用心之作。價錢正常，不收加一。兩款拉麵份量其實頗多，比其他名店來得大方慷慨。小女子來說，份量真係有點over。但味道係絕對好評！不得不提此店嘅服務亦係超好，由拉麵師傅至樓面員工個個都態度一流，熱情細心有誠意，每一句歡迎光臨及多謝都係雄厚精神的，加上九十度鞠躬，絕對係日本式優質服務。幾位拉麵師傅都係日本人，睇住師傅煮麵，見證師傅嘅技術與細心，所以先做到一碗好拉麵。真心滿意呢碗拉
排隊排足半個鐘，足見我嘅誠意啦掛。
魚介豬骨湯拉麵
配料有叉燒、溏心蛋、紫菜盛住精製魚介粉。台風拉麵嘅湯底以豬骨同雞骨做基本，質地超杰身，勁厚重，入口係黏口忌廉咪嘅質感，足見真材實料，膠質極奇豐富。味道亦夠香甜濃郁，啖啖都係精華所在，實在美味。將小店精製嘅魚介粉混和，再多一種海鮮甜味，味道更具層次感，值得一飲而盡。拉麵選用粗身曲麵，選擇嘅偏硬程度亦做到，粗麵更有效掛湯。兩大片叉燒亦非常討好，睇見師傅小心將叉燒切開，特地分一片邊位加上一片中間位，讓食客食到兩種口感。的確，一片叉燒係肉感較重，一片係半肥瘦，個人較喜歡半肥瘦較為腍滑。至於溏心蛋亦係用心之作。
價錢正常，不收加一。兩款拉麵份量其實頗多，比其他名店來得大方慷慨。小女子來說，份量真係有點over。但味道係絕對好評！
不得不提此店嘅服務亦係超好，由拉麵師傅至樓面員工個個都態度一流，熱情細心有誠意，每一句歡迎光臨及多謝都係雄厚精神的，加上九十度鞠躬，絕對係日本式優質服務。幾位拉麵師傅都係日本人，睇住師傅煮麵，見證師傅嘅技術與細心，所以先做到一碗好拉麵。真心滿意呢碗拉麵，所以全碗清光，湯亦飲得一滴不留。臨走時同師傅講左一句「おいしい!」師傅立即以一個殺死人嘅笑容回應一句「ありがとうございます！」加一個深鞠躬。從佢嘅回應，感覺到師傅嘅滿足自豪，呢個表情真係好有型。可惜位置對我黎講實在有點遠，只好計劃大時大節先來一趁吧。
Post
