囍 (Closed)

任食打邊爐，建議食C餐，因有肩胛牛肉食，如果每人食返三碟或以上已回本了。餐廳坐得都幾舒服，又不會太嘈，同朋友一齊拾下拾下，吹下吹下都幾好feel。是自助任取的吧枱，款式都很多，角色瓜類、菇類、蔬菜應有盡有，而且仲很新鮮，粟米也很甜，我會取粟米放在湯底煲下令到湯底甜上加甜。另外又有一個熟食吧枱，有沙律，有壽司，雖然款式不多，但以打邊爐自助餐來講，有這些東西吃已經算不錯了。另外仲有一張丸類及腸類的吧枱，有午餐肉有紅腸、蟹柳，魚片頭等應有盡有，想食番啲碳水化合物可以拎吧枱上有面自行拎返去煮熟以及又有煮熟左嘅糯米飯。叫咗個黃金雞木瓜椰子湯底，湯底很清甜，很香椰子味。椰子湯底加雞落去一齊煲個湯底真係冇得頂，而我會再加埋粟米落去仲正。