Video
Read full review
2022-10-09
229 views
觀塘出名熱鬧就係人都知，但原來條棟棟工廈之中，都有好野食。今日咁啱去觀塘買開烘焙用品，於是同朋友係附近餐廳用餐，實在有驚喜！唔好以為工廈區餐廳就一定死氣沉沉，呢間餐廳環境十分有氣氛，室外既用餐區反而佔左餐廳大部分位置。餐廳用左唔少掛燈，更有帳篷式餐枱，好適合良朋知己邊食邊打卡。凱撒沙律($118)(⭐️⭐️⭐️⭐️⭐️)既然坐左係戶外區域，一於叫返個沙律fresh一下配合環境。沙律一到既時候，筆者同朋友都哇左一聲，因為份量之大，簡直夠4人分享。筆者一直對普遍餐廳既沙律都又愛又恨，因為質素可說十分參差，洗得唔乾淨，隨時仲會食埋唔少菌。但呢間餐廳既沙律菜用料十分新鮮乾淨，每啖咬落去都十分爽脆多汁，絕對唔會係擺耐左連菜葉都變得軟軟既個種。另外沙律醬恰度好處，唔會醬浸沙律，又唔會唔夠汁，味道十分好吃。另外沙律加上芝士粉、麵包粒、煙肉，絕對係一等一傳統凱撒沙律。紅都面晒($48)(⭐️⭐️⭐️⭐️💢)筆者好怕西柚，因為通常都係又酸又澀，但從隔離枱見到，呢杯飲品上面有失傳已久晒既迷你遮仔，於是膽粗粗點左。飲落實在有驚喜，筆者最怕既酸澀一D都無，反而有陣啖啖既西柚清新味，相信餐廳係調配上一定花左唔少心機。細看配搭原來
凱撒沙律($118)(⭐️⭐️⭐️⭐️⭐️)既然坐左係戶外區域，一於叫返個沙律fresh一下配合環境。沙律一到既時候，筆者同朋友都哇左一聲，因為份量之大，簡直夠4人分享。筆者一直對普遍餐廳既沙律都又愛又恨，因為質素可說十分參差，洗得唔乾淨，隨時仲會食埋唔少菌。但呢間餐廳既沙律菜用料十分新鮮乾淨，每啖咬落去都十分爽脆多汁，絕對唔會係擺耐左連菜葉都變得軟軟既個種。另外沙律醬恰度好處，唔會醬浸沙律，又唔會唔夠汁，味道十分好吃。另外沙律加上芝士粉、麵包粒、煙肉，絕對係一等一傳統凱撒沙律。
紅都面晒($48)(⭐️⭐️⭐️⭐️💢)筆者好怕西柚，因為通常都係又酸又澀，但從隔離枱見到，呢杯飲品上面有失傳已久晒既迷你遮仔，於是膽粗粗點左。飲落實在有驚喜，筆者最怕既酸澀一D都無，反而有陣啖啖既西柚清新味，相信餐廳係調配上一定花左唔少心機。細看配搭原來仲加左檸檬汁、梳打水、雪碧，令到筆者坐係呢個室外既環境用膳都感到透心涼。杯上既遮仔、原粒櫻桃同西柚片打卡一流。
藍藍天空高掛我的夢($48)(⭐️⭐️⭐️⭐️⭐️)飲品個名稱真係一絕，“藍藍天空高掛我的夢”，單睇賣相已相當吸睛，令人透心涼的粉藍色飲品，令我急不及待去嚐試一口，隨之有淡淡既椰香味，仲有菠蘿汁同藍橘子汁，完全係一陣熱帶風味，特別中二飲品係半沙冰狀態，一來唔會因為融冰令味道變淡，二來一個字，爽！
巨型豬扒跟薯菜($188)(⭐️⭐️⭐️⭐️⭐️)筆者一向對坊間既餐廳膽大心細，中二食但又驚伏，但見差唔多枱枱都叫呢道菜就知應該算係招牌菜！大大塊豬扒鋪滿了整個鐵盆，睇到筆者同朋友都儍眼呢！雖然咁大塊豬扒，但煎煮既時間控制得啱啱好，將肉汁緊緊鎖住，而且配上黑椒或照燒汁，食落吃鬆軟味美，絕不鞋口，果然令筆者無失望！
士多啤梨乳酪瀑布蛋糕配雪糕($98)(⭐️⭐️⭐️⭐️⭐️)啱啱坐低，服務員就已經比筆者同朋友一個温馨提示： 早D叫甜品呀！遲D就賣哂啦！於是我地就揀左呢個士多啤梨乳酪瀑布蛋糕，睇下有冇特別之處。果然擺碟已色彩繽紛，分別有藍莓同士多啤梨乾。拉開圍住蛋糕既膠紙時，面層粉紅色既忌廉就好似瀑布咁瀉下來，鋪滿整個蛋糕，玩味十足！內面海棉蛋糕同乳酪，層次分明，甜度適中，配上一球士多啤梨雪糕，果真大滿足哦！
~~~~~~~~~~~~~~~~~~~~~~~合十 觀塘巧明街117號港貿中心2樓201號舖
👍氣氛之選
👍良朋共享
👍高質食材
Post
