八幡屋日本料理 (Closed)

畢業後咁耐，終於可以同同學仔聚下舊。放題比人既感覺一向咩都有得食，岩哂我地，咩都想試一餐。朋友介紹下黎左呢間，一上黎嚇一跳，因為有好多人排隊等。好彩有訂位，仲加左個升級體驗。 兩個人，張枱就唔可以期望太大，但裝修都唔錯。門口用算盤分隔，好特別，可能係風水陣，賺晒你啲錢(笑喊)。頭盤係明太子沙律，面頭就係明太子，味道好特別。出面食都係用芝麻醬，沙律醬，明太子就唔係周圍有，新鮮之選。黎到就不防試下啦！之後就當然叫左啲魚生，三文魚、吞拿魚、赤蝦，入口鮮甜就基本功。特別係呢度有劍魚腩，出面都唔覺有。腩唔太肥，肉質比吞拿魚爽，又唔會鞋，點都要試下。因為我地有訂位，所以就有”五行壽司”送上~ 有訂位又或者夠四個人就會送架，作為精明既消費者要記得訂位!!五行壽司既賣相好精緻，同時亦具有內在美。五款都好好食!!!最特別既係蝦芒果壽司，兩者好夾。而另一個注目點係啲芝麻，好香口!升級體驗仲可以試和牛壽司，唔洗擔心生牛肉會腥，入口鮮嫰，正。除左可以食和牛，仲有得叫生蠔，大大粒一口一杯，夠晒肥美，仲有海膽壽司，都幾新鮮，淨係食呢幾樣都抵哂。呢個串燒帆立貝就不得了，個汁好正，甜甜哋，又令帆立貝唔會好dry，我哋