Video
Read full review
2021-05-26
57 views
近年香港專食吉列牛嘅餐廳愈開愈多，當中唔少得呢間由台灣母公司開到嚟嘅京都勝牛🥰。如果去過銅鑼灣分店嘅應該會知道，呢間餐廳隔離總會有一間食台灣菜嘅舖頭，當然就係因為佢哋其實都嚟自同一個集團。喺將軍澳呢度，呢個集團更加係獨佔成個 Monterey Place 嘅地庫層，加上坐落喺Donki 下面，可以話係佔盡地利優勢。⭐️呢間餐廳門面的確就無咩特別，係好典型集團式餐廳嘅感覺，相比喺元朗同銅鑼灣另外兩間同樣食吉列牛嘅小店，佢顯然係少咗啲特色。話雖如此，排隊等位條龍依然係非常之長，我同朋友最後等咗大概半個鐘先至有位。不過好彩餐廳隔離都有間家品電器舖，可以一路睇煲一路等位。入到去餐廳第一個感覺係侍應好親切，除咗好用心講解食法，對答方式仲俾到你好開心嘅感覺。咁殷勤嘅服務態度真係有啲驚訝。另外值得一講舖頭入面大致上好乾淨，食都食得安心啲。霎花翼板牛排套餐🥩 ($168)呢度嘅飯🍚係任加嘅，套餐仲有湯同椰菜絲。所謂翼板其實就係指Flat Iron，肉質比較軟同帶筋，油脂分佈亦唔錯，咬落去嘅感覺比之前食嘅其他吉列牛明顯肉質更好。炸皮亦唔會太油或者太厚，可以話係同個肉配合得好好。要留意嘅係呢度唔會主動俾個p
呢間餐廳門面的確就無咩特別，係好典型集團式餐廳嘅感覺，相比喺元朗同銅鑼灣另外兩間同樣食吉列牛嘅小店，佢顯然係少咗啲特色。話雖如此，排隊等位條龍依然係非常之長，我同朋友最後等咗大概半個鐘先至有位。不過好彩餐廳隔離都有間家品電器舖，可以一路睇煲一路等位。
入到去餐廳第一個感覺係侍應好親切，除咗好用心講解食法，對答方式仲俾到你好開心嘅感覺。咁殷勤嘅服務態度真係有啲驚訝。另外值得一講舖頭入面大致上好乾淨，食都食得安心啲。
霎花翼板牛排套餐🥩 ($168)
呢度嘅飯🍚係任加嘅，套餐仲有湯同椰菜絲。所謂翼板其實就係指Flat Iron，肉質比較軟同帶筋，油脂分佈亦唔錯，咬落去嘅感覺比之前食嘅其他吉列牛明顯肉質更好。炸皮亦唔會太油或者太厚，可以話係同個肉配合得好好。要留意嘅係呢度唔會主動俾個pan你燒🔥，所以如果想燒一燒先食嘅朋友就記得要問佢攞喇。另外佢亦有好多醬汁俾你配個牛，我自己比較鍾意原汁原味，反而係啲椰菜絲，我推介大家點個咖哩醬嚟食，會別有一番風味！
霎花翼板牛排套餐
$168
1 views
0 likes
0 comments
紅豆宇治冰抹茶🍵 ($32)
如果你叫佢嘅套餐，就可以用 $72 加杯 $36嘅飲品同一個甜品，所以我都要咗呢個組合，叫咗杯充滿少女心嘅紅豆抹茶😋。對唔係鐘意太甜嘅我嚟講，呢杯嘢飲甜度適中，杯底仲有好多紅豆，好足料又好好飲。
紅豆宇治冰抹茶
$32
0 views
0 likes
0 comments
日本清酒豆腐雪糕🍦 ($58)
事不宜遲，介紹今次最有驚喜嘅一樣嘢🤤。原價 $58嘅雪糕一客係有兩球，跟餐價錢就可以參考番上面。原本只係想揀個甜品試下，點知可以咁好食！雪糕嘅清酒味清香得嚟濃度亦恰度好處，同行嘅女仔朋友唔鐘意飲酒🍶都覺得好好味。雖然清酒味味覺上做咗主導，但食落依然可以食到淡淡嘅豆腐味，兩球雪糕一下子就可以食唒！🤫
日本清酒豆腐雪糕
$58
1 views
1 likes
0 comments
整體而言絕對係可以再嚟嘅餐廳，當普通價位嘅食物都有咁嘅水準，下次一定要試埋其他更好味嘅吉列牛套餐👍🏻👍🏻。
Post
