吉利尼 (Closed)

今日三人行嚟到屯門安定𠵱間sell新加坡食物嘅餐廳食。人流少，但就係因為'新加坡'𠵱三個字吸引我哋。原來都偏向自助式，要自己喺櫃枱買食物，立即俾錢，之後擺個牌，待應就會送餐過嚟。舖面環境幾好但一望出去就係人，如果揀坐某啲位會同路人距離好近嘅感覺，得塊落地玻璃隔住，會有你眼望我眼嘅情況。但店舖播住英文歌，又夠靜，有relax嘅感覺，都唔錯。我哋叫咗個海南雞飯、前後2客咖椰多士、西多士、蕃茄火腿蛋通粉、凍奶茶、2杯美綠恐龍(即係美綠飲品)丶泡芙。一共$160海南雞飯得幾舊雞，完全唔夠配飯，唔好食，雞唔新鮮，冇味，完全唔知自己食緊海南雞飯！價錢唔平，唔抵！咖央多士好食，好香，多士焗得剛剛好，一啖咬落去，滿足！所以叫完再叫。西多士配咖椰別有一番風味，但我prefer咖央多士，因為冇蛋味影響，更享受到咖央的風味！蕃茄火腿蛋通粉 有得選擇醒餐肉or火腿。 蛋係煎蛋，我以為係炒蛋.. 但個通粉唔錯，有好香濃蕃茄味。飲品方面，美綠恐龍好濃，飲多幾啖就會唔想飲落去，太''杰''! 搞到最後淨咗成大杯。 奶茶一般，同價錢質素合理。泡芙就普通啦，都唔會係自己整。總體，我都係最滿意咖央多士，最有特色、最好食！