Video
Read full review
2012-04-06
301 views
今晚同一位難得一聚嘅好朋友約出嚟晚膳，當然都想食好啲啦，太平館餐廳由 1860 年經營至今，係難得嘅老字號，余相信能夠經營一個又一個世紀一定有佢值得之處，所以就同好朋友前來進膳。嚟到現場，其實睇落又同其他西餐廳好唔同，感覺唔係好「西」，當然佢有炒牛河呢樣嘢本身已經好唔西啦，反而好「港」，不過呢種「本土性」余絕對無限支持！西中有中，中中有西，對香港文化多元性嘅堅持就係我哋香港人嘅核心價值之一。（咁即係核心嘅外圍定內圍？）其實本身都有心理準備要等位，不過好在都係10分鐘內就有位，之後前台店員拎咗 menu 比我哋睇，我同好朋友最興致勃勃嘅唔係睇有咩食，而係睇有關呢間老字號嘅歷史同有關「瑞士汁」嘅故事，了不起亦有趣。之後坐低叫嘢食，朋友點咗瑞士汁牛河，而余就點咗岑味牛脷。本身對牛脷有偏愛，加上個雞肝汁好夠味又同個牛脷夾倒，俺會比高分，當然惟一嘅不足係無得跟餐，如果跟餐可以跟麵包／飯／意粉／什菜同上就更好，因為個汁真係好正，而且仲要係多汁，撈飯啱用。當然，西餐都唔一定係美式鐵板大堆頭嘅．．．瑞士汁牛河，瑞士汁炒牛河，個人對瑞士汁無咩認識，不過汁、粉、肉都 ok 所以總嘅嚟講都係 ok，不過樣樣
嚟到現場，其實睇落又同其他西餐廳好唔同，感覺唔係好「西」，當然佢有炒牛河呢樣嘢本身已經好唔西啦，反而好「港」，不過呢種「本土性」余絕對無限支持！西中有中，中中有西，對香港文化多元性嘅堅持就係我哋香港人嘅核心價值之一。（咁即係核心嘅外圍定內圍？）
其實本身都有心理準備要等位，不過好在都係10分鐘內就有位，之後前台店員拎咗 menu 比我哋睇，我同好朋友最興致勃勃嘅唔係睇有咩食，而係睇有關呢間老字號嘅歷史同有關「瑞士汁」嘅故事，了不起亦有趣。
之後坐低叫嘢食，朋友點咗瑞士汁牛河，而余就點咗岑味牛脷。
本身對牛脷有偏愛，加上個雞肝汁好夠味又同個牛脷夾倒，俺會比高分，當然惟一嘅不足係無得跟餐，如果跟餐可以跟麵包／飯／意粉／什菜同上就更好，因為個汁真係好正，而且仲要係多汁，撈飯啱用。當然，西餐都唔一定係美式鐵板大堆頭嘅．．．
瑞士汁牛河，瑞士汁炒牛河，個人對瑞士汁無咩認識，不過汁、粉、肉都 ok 所以總嘅嚟講都係 ok，不過樣樣嘢都 ok 嘅同時，即係都好穩陣啦，而通常穩陣嘅嘢都同驚喜無緣。可能碟牛河份量足啦，所以好朋友食唔哂，正好余仲未飽所以食埋佢未食嗰半就啱啱好，就食物水準嚟講，余同好朋友都大致滿意，而且見其他食客點嘅菜色都似乎幾吸引，所以都認為有返兜呢度嘅可能性。
Other Info. :
好喇，講完食物本身，咁但係本身都無咩咁攪笑，之不過笑點係食完之後三件事：
1. 我哋食完無耐就有人嚟收哂嘢，我哋都明白出面 keep 著有人等位，不過．．．話哂係西餐廳，可以比我哋傾多陣計嗎？（當然我哋係會照坐唔理咁多啦）
2. 見倒有伙計爭執，不過余認為百年老店一定要有「店格」，伙計間中有少少火，余個人係接受嘅。（又唔係發係我度 XD）
3. 呢個．．．唉，都係咪鬼講，因為係同隔嚟檯食客有關，但真係頂唔順，實在笑死朕！埋單鬆人啦！
(The above review is the personal opinion of a user which does not represent OpenRice's point of view.)
Post
