澳門丸記清湯腩王 (Moved) New Location

3號風球，諗住買定啲外賣，等今晚有嘢食。都明知會打風，所以打定電話問吓丸記有冇開。阿姐好似趕住收線咁，講唔夠兩句就cut咗線。但既然有開就照去。其實都知佢舖頭掉咗位置，但係估唔到佢原來係同沙田友合併左！個門面完全唔清晰，兜咗一大個圈，問商場個保安，佢又好似戇居居咁。於是我再打去問吓阿姐，佢先講清楚原來喺沙田友「隔離」！去到沙田友，根本就係兩間舖頭合併，用同一個門口，同一個收銀！講啲唔講啲，等我冒着雨行咗成個圈，先買到清湯腩。想去食嘅街坊，要注意返。