莆田 (Closed)

中秋節想外出食晚飯而又有得訂枱，這間餐廳可以算是一個不錯的選擇，原本想訂1930食飯，但要訂2000或之後先沒有用膳時間限制，所以最終都係訂了2000這個時間~ 當日2000前少少去到，出面已經有些人在等待，但幸好大約等5分鐘到已經可以入座~ 我地點了5樣食物，但找侍應落單也有d難度~ 雖然我地已經坐在茶水位附近，但有d侍應明明見到你舉手，佢扮見唔到你咁，繼續做自己的事情，覺得這方面可以改善一下~ (1) 莆田燜豆腐 $89豆腐味道偏淡，雖然外表白雪雪，但唔知點解食入口帶有少少燶味，不是太好吃~(2) 莆田扁肉湯 (加醋) $78扁肉味道帶有鮮味，肉質細滑，但湯底比較酸，建議另上醋供客人自己添加比較好~(3) 黃花魚燜飯 $88黃花魚肉質幾滑而且香口，但飯身比較軟且不太入味~ (4) 蝦苗拌頭水紫菜 $52食入口感覺唔到有蝦苗，而且拌紫菜味道好平凡，不值得一試~(5) 酥炒芋芯 $88這個菜已經是今餐最好食的菜，芋芯外表脆脆的及甜甜的，加上內裏質感軟硬適中，味道不錯~總括黎講，這間餐廳同我所想的米芝蓮餐廳有些差距，不值得小編再試~