Yadllie Plate 야들리애플래이트 (兆萬中心)

好耐無食過韓國炸雞，雖然韓國炸雞店開得愈來愈多，但呢間炸雞係OpenRice既排名遠遠超過其他既炸雞店，襯住假期前夕，就一於黎試下呢間熱門炸雞店啦😋😋等老公放工要7點先食，驚住會好多人，早左少少去拎位，點知都唔洗等，直接就有位喇。不過一路食就愈來愈多人等位，所以建議都係食早少少，6點半前都可以隨時入座😋叫左呢個牛扒拼原味炸雞，牛扒係用鐵板上，黎到仲熱辣辣👅不過牛扒比較薄，所以放係鐵板一陣就好快熟曬，建議大家如果叫既話，牛扒要儘快食左先，以免過熟🤭炸雞調味唔算太咸，炸得岩岩好，仲有肉汁唔會太乾🤩而且雞唔會有好厚既炸粉，食落唔膩👍🏻👍🏻另外再叫左韓式醬油無骨雞。無骨雞比起原隻炸雞更滑，應該用左雞脾肉，食落超多肉汁，岩岩上菜果時岩岩炸起，超熱又多汁，加埋醬油香，果然係名不虛傳既炸雞店👍🏻👍🏻👍🏻食左咁多炸野，叫返個沙律🥗平衝下先，沙律菜好新鮮，配合埋檸檬🍋汁立刻無曬炸雞既罪惡感🤤🤤不過份量就唔算太多。