Video
Read full review
2022-06-17
471 views
完成係銅鑼灣既任務就諗起bookmark咗好耐既著名好評店坐忘，本身想去天后店，但睇到多篇食評都對服務態度頗有微詞😅咁就決定去鰂魚涌間總店，幾站路好快之嘛🤭地址都好易搵，lunch hour响路口已經睇到門口有一團人😂堂食就要排，外賣都差唔多三個字可以拎到，我梗係揀最多好評既豬軟骨野菜咖喱飯啦！畢竟我對豬軟骨係真愛😆又加咗一粒溏心蛋，lunch有包熱/凍茶。經過差唔多一個鐘車程，用保溫袋拎返屋企都仲係好熱☺️打開見到飯盒一半既豬軟骨已經好～開～心！兩舊豬軟骨大片又厚身，夠腍夠入味，軟骨部分近乎入口即化，整體係我非常鍾意既口感同味道😋下邊好多蔬菜，翠玉瓜，薯仔，豆角，蘿蔔⋯⋯都好淋同埋浸咗汁好好食😋飯都係好健康既蕃薯粟米南瓜生薑飯，可以睇到蕃薯粒同粟米，有一點點南瓜既甜味滲透，生薑味就feel唔到，米既口感都好好，軟硬適中有飯香🫰溏心蛋個溏心我就既滿意，不過蛋就有少少鹹，下次我如果加應該會揀溫泉蛋🙈豬軟骨野菜咖哩飯 8.0/9溏心蛋 7.0/9OVERALL 7.5/9因為減肥我就問店員咖喱汁可唔可以分開，答可以不過要加2蚊用兜裝，店員建議我可以揀走汁，因為加係飯度個咖喱汁都係少少。豬軟骨
地址都好易搵，lunch hour响路口已經睇到門口有一團人😂堂食就要排，外賣都差唔多三個字可以拎到，我梗係揀最多好評既豬軟骨野菜咖喱飯啦！畢竟我對豬軟骨係真愛😆又加咗一粒溏心蛋，lunch有包熱/凍茶。
經過差唔多一個鐘車程，用保溫袋拎返屋企都仲係好熱☺️打開見到飯盒一半既豬軟骨已經好～開～心！兩舊豬軟骨大片又厚身，夠腍夠入味，軟骨部分近乎入口即化，整體係我非常鍾意既口感同味道😋下邊好多蔬菜，翠玉瓜，薯仔，豆角，蘿蔔⋯⋯都好淋同埋浸咗汁好好食😋飯都係好健康既蕃薯粟米南瓜生薑飯，可以睇到蕃薯粒同粟米，有一點點南瓜既甜味滲透，生薑味就feel唔到，米既口感都好好，軟硬適中有飯香🫰
溏心蛋個溏心我就既滿意，不過蛋就有少少鹹，下次我如果加應該會揀溫泉蛋🙈
豬軟骨野菜咖哩飯 8.0/9
溏心蛋 7.0/9
OVERALL 7.5/9
因為減肥我就問店員咖喱汁可唔可以分開，答可以不過要加2蚊用兜裝，店員建議我可以揀走汁，因為加係飯度個咖喱汁都係少少。豬軟骨個湯汁都有啲啲咖喱香？我本身其實對咖喱有小小顧慮，因為消化唔好容易覺得滯🥲不過呢度既咖喱我就真係可以接受到，雖然山長水遠不過如果過海我都有可能再encore㗎😉
33 views
0 likes
0 comments
52 views
0 likes
0 comments
26 views
0 likes
0 comments
Post
