FLIPPER'S (Closed)

每次經過都見到大排長龍，唔想排隊一直都唔選擇食呢間，今次個朋友肯等終於排下隊試下佢個梳乎厘先。傾下計坐下唔覺唔覺都等左大半個鐘有多，之後坐底叫完野食都等左好耐，TOTAL等左一個鐘先食到梳乎厘，但呢個等待既心理冇令到我覺得食物好食左，反而真係一般。三文魚牛油果班戟（$129）朋友叫左個三文魚班戟，個班戟口感有d實，唔太鬆軟。但沙律菜係幾好食，三文魚口感都係比較實同埋乾身。綠茶紅豆班戟（$119） 至於梳乎厘不過不失，唔夠鬆軟，冇入口即溶既感覺，紅豆同抹茶醬都普通。份量都多有3塊班戟，原本當下午茶既甜品可以好飽肚😂 晚飯都唔洗食。另外再叫左一杯萍果醋特飲同提子特飲，飲品賣相靚，但飲落都係不過不失。