深宵食堂 (Closed)

前日朋友就訂左1930枱，可惜得返戶外枱，都照殺，因為我朋友話想食呢間好耐。今日我地三人1930準時到，坐戶外枱，但周圍全部枱都食煙，有點難受(不過食食下，就可以被安排返坐室內，但煙味都係會飄入黎)用餐時間限90分鐘，快快叫野食。因為太多，淨講特別好味同唔好味架啦1. 蒜蓉燒茄子: 蒜有生蒜熟蒜係面，好好味，茄子"淋"，蒜蓉粒脆，感覺好得意2. 煙肉荔枝卷: 又甜又咸，估唔到又幾match, 仲無左煙肉既油膩感3. 雞肉炒烏冬: 真係十分唔推薦，諗住唔夠飽，叫個烏冬飽肚d, 點知一上菜，椰菜佔70%, 菇10%，雞肉10%，烏冬10%。無錯，烏冬係極少，一人分到4，5條又好咸4. 一口牛: 見到好多枱都叫，我地又叫，黎到係2串拮係個薯仔上，味道唔係唔好，不過怪怪地，酸酸地，又咸咸地，我地都唔太鐘意除左以上2樣唔太岩胃口外，大部份都好味既埋單都每人$200幾，八成飽