Anthony's Ranch (Closed)

黎到西貢，見呢間食店既好評尚算多，而且門面裝修幾特別，所以就決定入去試下。入面既裝潢滿是西部牛仔既感覺，讓人有置身於外國既感覺，而且餐桌均以牛作主要主題，故予我感覺在此食牛準沒錯！叫左個炸魚薯條--可惜炸魚未熟，仲有稔杰既感覺，食落感覺嘔心，之後我地告知店員魚柳尚未熟透，佢居然只係就咁攞番我咬左一口既魚柳入去炸就算，呢個行為令我覺得整件事變得更嘔心，如果佢店內係用所謂既萬年油，咁將我食果既魚柳放入去番炸，豈不是令成盤油都充滿我既口水嘛...另外粟米煎餅同沙律都唔係我口味，而薯條既味亦亦屬麻麻...一心以為黎到食牛實冇死，所以就叫左牛肉漢堡，不過佢冇問我地要幾成熟，所以出到黎牛肉偏乾，冇JUICY既感覺，令我大感失望可能係因為呢種為外國人既口味，我食唔慣先會覺得唔好食，不過大概唔會有下次喇~