蔡瀾越南粉 (Closed)

本身應該係happy Friday ，可惜要係中環OT 到8:30，公司附近餐廳都閂哂，唯有行遠啲搵食，近近地黎呢間試新野。餐廳係威靈頓街翠華旁邊，加埋招牌上大大的兩隻字「蔡瀾」，勁易搵到。餐廳門面光亮，坐位算寬敞，唔覺有特別裝潢設計，可能餐廳想行實力派？最緊要食物質素掂。餐單上有幾個價位嘅牛河揀，話哂第一次，就試個入門版。佢有幾種牛部位，任揀兩樣，河粉仲可免費追加，岩哂大食量嘅男士。唔食內臟嘅我，揀左牛腩+生牛肉。湯底望落通透，油份極少，味道非常清甜，河粉/牛肉/牛腩，坦白說，零特別。絕對唔係宣傳講到咁好食。通菜好重蝦醬，亦因此稍咸，但冇辣味（因菜單上面寫住係辣）。青檸酸子菠蘿冰反而有驚喜，本身好怕係藥水味飲品，但呢杯有真菠蘿肉，極有氣，好飲！可惜以$36黎講，份量係較少。總括來說，質素係名過於實，唔係有蔡瀾加持，睇怕佢好難做落去了。