青花亭 (Closed)

依間餐廳係我朋友一路都想試好耐，今日難得嚟到太子就諗住去幫襯吓，順便支持黃店，結果極不愉快！去定唔去大家自己諗清楚⋯我同朋友 walk-in，到達餐廳門口時表示我哋想等位食晚餐。店員指需要執枱，請我哋等一陣。我哋原本都擔心佢無俾 number，但見都無咩人等位就無追問啦。點知轉個頭，有另一對情侶入去問，另一位店員就安排佢哋兩個直接入去坐😅我同朋友就覺得好無奈啦，因為係我哋嚟先，於是就搵店員問清楚。點知另一位店員竟然話樓上有好多位，就帶咗我哋上樓上坐😅😅😅 咁點解一開始唔安排我哋去樓上呢？後尾店員就安排左我哋上樓上，咁我哋都諗住照食，支持吓。但佢俾咗餐牌我哋之後就自己落咗樓，等咗10分鐘都唔見有人上嚟落 order 😅 之前睇食評見到有人話book咗位12點食，但到12:15間舖都未開。真係覺得依間餐廳嘅服務態度好有問題。