PAPER STONE BAKERY

Open Now

Now Closed

出街開工食飯最忌撞正放飯時間周圍都係人，浪費時間等又坐得唔舒服。今日出嚟做嘢，中間隔一個鐘剛剛就係最多人嘅時候，見到轉角有間咁吸睛嘅麵包鋪，就決定揀個麵包頂下肚餓算。鋪頭佈置走高檔次歐陸風情，除咗有麵包櫃可以自己夾麵包，仲有店員幫你夾嘅精美甜品同有餡烘培麵包。我行咗一個圈，覺得白朱古力髒髒包賣相最吸引，於是夾咗個放入透明膠袋。點知伏就中咗，面頭嘅醬幾乎掃平哂，無哂觀賞價值，所以建議大家交比店員處理。食落真係好甜，有少量白朱古力味，麵包軟熟，係日本靚材料嘅出品。食一個真係唔太夠飽，要喺度食飽可以貴過食個午餐。