Video
Read full review
2024-08-02
717 views
雖然油尖旺已經有唔少cafe，食嘅嘢都係差唔多，但有時收工想同朋友揀間坐得舒服嘅餐廳傾吓偈，好似都係會揀返cafe~ 有次碌到呢間位於太子嘅「賞島咖啡店」，見佢嘅餐牌有個海膽意粉好似幾吸引，就揀咗呢間試吓😍•🥢 Dinner Set $488 for 2我同朋友加埋3個人就叫咗一個二人餐，有齊餐湯、沙律、意粉、主食、甜品同埋飲品～ 我哋另外加咗一個小食～ 當日唔算好餓嘅我哋，咁樣已經好夠飽🤣📸 是日精選餐湯 - 番茄濃湯📸 海鮮龍蝦湯 +$28侍應見我哋有三個人就送多咗一碗番茄湯俾我哋🤍 呢兩款湯都係偏濃郁嘅西式餐湯～番茄湯一𢳂落去都見到好多番茄蓉，味道偏酸，但都幾開胃；龍蝦湯又係好足料，有幾隻蜆同唔少蟹肉碎，味道都夠鮮🤤🌟推薦度：8/10•📸 慢煮雞胸柚子汁沙律雞胸外層略煎到金黃，口感嫩滑juicy👍🏼柚子汁夠清新，沙律菜又新鮮🥗🌟推薦度：8/10•📸 海膽味噌蟹肉意大利麵 +$38套餐有5款意粉可以揀，其中有2款需要加$38。因為我就係睇完其他人影嘅海膽意粉再慕名而嚟，所以梗係要試吓呢款！雖然佢個擺盤好似只係得半碟，但其實份量都好多😆 有滿滿嘅蟹肉、蟹籽、紫菜同埋一嚿海膽🤩 海膽味
•
🥢 Dinner Set $488 for 2
我同朋友加埋3個人就叫咗一個二人餐，有齊餐湯、沙律、意粉、主食、甜品同埋飲品～ 我哋另外加咗一個小食～ 當日唔算好餓嘅我哋，咁樣已經好夠飽🤣
📸 是日精選餐湯 - 番茄濃湯
📸 海鮮龍蝦湯 +$28
侍應見我哋有三個人就送多咗一碗番茄湯俾我哋🤍 呢兩款湯都係偏濃郁嘅西式餐湯～番茄湯一𢳂落去都見到好多番茄蓉，味道偏酸，但都幾開胃；龍蝦湯又係好足料，有幾隻蜆同唔少蟹肉碎，味道都夠鮮🤤
🌟推薦度：8/10
•
📸 慢煮雞胸柚子汁沙律
雞胸外層略煎到金黃，口感嫩滑juicy👍🏼柚子汁夠清新，沙律菜又新鮮🥗
🌟推薦度：8/10
•
📸 海膽味噌蟹肉意大利麵 +$38
套餐有5款意粉可以揀，其中有2款需要加$38。因為我就係睇完其他人影嘅海膽意粉再慕名而嚟，所以梗係要試吓呢款！雖然佢個擺盤好似只係得半碟，但其實份量都好多😆 有滿滿嘅蟹肉、蟹籽、紫菜同埋一嚿海膽🤩 海膽味噌汁幾濃郁，仲有明顯嘅鮮味，撈埋紫菜就更有日式風味，濃郁得嚟又唔會膩🤤
🌟推薦度：9/10
海膽味噌蟹肉意大利麵
32 views
1 likes
0 comments
•
📸 咖啡燒汁烤豬仔髀
咖啡燒汁呢個配搭真係第一次見，但原來咖啡粉係分開嘅😯 豬仔髀燒得幾香口，表面乾身，但入面有保留到少少肉汁，唔會好乾柴，幾易咬👍🏼試咗點少少咖啡粉+粗鹽一齊食，味道有啲苦，唔算好夾，但香味又有啲提升，鍾意咖啡嘅朋友可以試吓😂 另外伴碟嘅薯蓉幾軟滑，大啡菇好juicy~
🌟推薦度：7.5/10
咖啡燒汁烤豬仔髀
23 views
0 likes
0 comments
•
📸 Tiramisu
二人餐嘅甜品只一有件蛋糕，當晚好似仲有Carrot Cake，但我哋就揀咗Tiramisu~ 呢款唔係好傳統嘅做法，偏向蛋糕多啲，質地較挺身，中間亦都用咗海棉蛋糕取代手指餅，Mascarpone cheese同cream嘅部份都幾滑，整體唔會好甜，但就無乜咖啡味同埋酒味～
🌟推薦度：6/10
Tiramisu
471 views
0 likes
0 comments
•
📸 蜜糖芥末炸雞粒 $58
呢個係另外加嘅小食，有8-10件雞粒，每粒唔都有返咁上下大，幾抵食。件件都炸到金黃色，外脆內嫩，而且本身調味都足夠，就算唔點醬都好食～
🌟推薦度：7.5/10
蜜糖芥末炸雞粒
7 views
0 likes
0 comments
•
📸 Dirty
📸 Yuzu Soda
Post
