呼吸咖啡茶館 (Closed)

人大左…好多時朋友都有自己家庭，見面既時間少左！難得出黎食餐飯，食完之後有唔好意思”牙”人地張檯做生意！都會搵下場可以坐耐D繼續傾多陣！好多時都黎”呼吸”！貪佢係旺角，飲完大家都方便搭車返屋企！佢地宜家應該有成3,4層！4樓就最啱要”呼吸”既朋友！因為有個戶外位！尤其係涼爽D既季節坐出面其實既舒服！通常黎呢度我都叫藍莓乳酪！唔係太甜，飲下藍莓補下眼！！有時晚飯食得唔太飽，有時都會係度叫D野食！其實佢地D野食都可以！仲可以加D叫番menu上D飲品！不過D waffle 就麻麻地！如果冇記錯以前3樓耐唔耐都有Live music 不過宜家就唔知仲有冇！最後…總括黎講呢度係一撻唔錯既吹水打發時間既好地方！**不過近排4樓既服務好似差左！