富運快餐店

Open Now

Now Closed

其實係去錯街市，但又唔係好夠時間，見佢$31，有湯有飯有熱飲，都有唔少人食緊，就決定試下。講真，整體質素唔係差囉，分分鐘好食過某d茶餐廳。但當然要舒服位，冷氣，佢就無架啦，座位係圓櫈仔，夏天對西裝同事黎講都比較熱，不過我覺得黎買返公司食或者快食都係好唔錯。個湯唔係得水，係有豬肉同瓜。叫左朱扒雞扒腸仔飯，煎豬扒大大塊，雞扒就類似台灣鹽酥雞扒咁，出奇地皮幾脆，加埋黑椒汁，都幾滿足同行同事叫左個好似星州炒米(唔太記得)，熱辣辣上檯，睇起黎好有鑊氣，佢話味道唔錯結論：以食物價錢來說係抵食好食，但自問身光頸靚就唔好勉強，如果好似本人同位同事都比較貼地慳錢，或者係時間唔夠，本人都大力推介