金輝海鮮菜館

Open Now

Now Closed

入到西貢諗住食海鮮，唔知邊間好，最後屋企人被茶單同一個女士"tum" o左入去間金輝，又「螺」到個老細送o左碟菜，但呢間o野都係唔多掂，個蟶子好多沙；瀨尿蝦都唔算十分大隻，仲要竟然o黎得四隻，最離譜係同個伙記話o黎得四隻，個伙記竟然話拎把校剪o黎剪開佢，無病o下話?!你估你五餅二魚前開會多一隻出o黎咩!!唯有同個老細講，佢拎多隻o黎，但size 之原本o個幾隻細o既，都無佢符啦。碟蟹又好細隻，真係用o黎煲粥就差唔多；o黎碟魚呢，羹都無個，問另一個伙記話要羹，個伙記都唔抵得話「呢度乜都無o既」。間o野話唔收加一，但又收每人十蚊茶芥，俾信用咭又話要加10% charge，嘩食餐海鮮隨時千幾蚊啦，個個帶咁多cash 出街咩，呢間o野真係好唔掂呀。