Video
Read full review
2024-06-05
184 views
📍FUMI 🔍中環蘭桂坊德己立街30-32號加州大廈6樓-----返工身心勞累，放假係要對自己好少少。呢間日式餐廳週末有Weekend Brunch，朋友推介話佢地嘅每日現切油甘魚好正，搞到我心癢癢想試下。餐廳裝潢行高級感日風，自助區食物擺放得井井有條，一路攞食物，可以沿路一路望住開放式廚房嘅師傅整嘢食。當中朋友大推嘅油甘魚，12點30前會先原條展出比大家相機先食，12點30之後就會開始現場原條即切，切好就會擺放出嚟比客人自取。🐟刺身：款式唔算好多，但係每一款都質素到位。現切油甘魚就唔使講，咁新鮮切出嚟，鮮甜度確係很不錯。三文魚雖然唔係現切，但入口魚脂豐腴，其實都唔輸油甘魚。另外，八爪魚冰爽彈牙，帶子貝柱肥厚，每一款都吸引到我encore多次。🍣壽司卷物：一共只有四款，但係款款出色。四款分別係A4 宮崎和牛壽喜燒卷、鰻魚牛油果卷、FUMI素菜卷及雜錦辛香剌身太卷。全部都係少飯多餡，而且飯醋調味恰到好處，個人尤其中意質感柔嫩帶微微辣香嘅雜錦辛香剌身太卷。整體嚟講佢哋嘅壽司都做得幾出色，每人一客嘅主菜order咗精選手握壽司拼盤，同樣係質素上乘，火炙左口魚邊更係入口即化。🍘炸物：由於場內客
🔍中環蘭桂坊德己立街30-32號加州大廈6樓
-----
返工身心勞累，放假係要對自己好少少。呢間日式餐廳週末有Weekend Brunch，朋友推介話佢地嘅每日現切油甘魚好正，搞到我心癢癢想試下。
餐廳裝潢行高級感日風，自助區食物擺放得井井有條，一路攞食物，可以沿路一路望住開放式廚房嘅師傅整嘢食。當中朋友大推嘅油甘魚，12點30前會先原條展出比大家相機先食，12點30之後就會開始現場原條即切，切好就會擺放出嚟比客人自取。
🐟刺身：
款式唔算好多，但係每一款都質素到位。現切油甘魚就唔使講，咁新鮮切出嚟，鮮甜度確係很不錯。三文魚雖然唔係現切，但入口魚脂豐腴，其實都唔輸油甘魚。另外，八爪魚冰爽彈牙，帶子貝柱肥厚，每一款都吸引到我encore多次。
🍣壽司卷物：
一共只有四款，但係款款出色。四款分別係A4 宮崎和牛壽喜燒卷、鰻魚牛油果卷、FUMI素菜卷及雜錦辛香剌身太卷。全部都係少飯多餡，而且飯醋調味恰到好處，個人尤其中意質感柔嫩帶微微辣香嘅雜錦辛香剌身太卷。整體嚟講佢哋嘅壽司都做得幾出色，每人一客嘅主菜order咗精選手握壽司拼盤，同樣係質素上乘，火炙左口魚邊更係入口即化。
🍘炸物：
由於場內客人頗多，所以自助區嘅炸物turnover rate都頗高，因而可以保持良好熱度。推介一試日式芝士年糕，甜甜鹹鹹，外層香脆，內層帶點煙韌口感，雖然容易飽肚。但係都忍唔住食咗幾粒。
🍢燒物：
牛油燒粟米香香甜甜，牛油香氣濃郁；鹽燒宫崎雞翼飽滿大隻，咬落緊實多汁；仲有宮崎特產黑豚香腸亦不錯，肉脂比例高，入口油潤且肉味濃郁，係就係肥啲，不過好食都係要食😛。
Post
