味滿

Open Now

Now Closed

天后原來新開左一間粥麵舖，今日經過就不如試試。餐牌有粥麵飯，腸粉，小食，油菜，净食，飲品。都有升級優惠，選正價粥麵飯可配油菜，腸粉，小食，飲品等等。第一次黎，叫左兩個餐再加一份淨食分享。豬軟骨撈麵 $52豬軟骨同撈麵分開上，豬軟骨有3大舊，見到有大大舊軟骨，肉都算炆得腍，味道都夠味。白蘿蔔有3大舊，都好腍。個汁撈麵好夾。撈麵可揀粗或幼麵。我地選粗麵，麵質爽口有質感，份量頗多，配有三條生菜。另配一碗湯，好濃蝦味。仲有韭黃，正。鯇魚片粥 $43鯇魚片粥大大碗，個粥煲得超綿，好厚身又滑。魚片好多塊，無骨，伴有生菜片，薑絲同蔥花。鮮蝦腸 $34鮮蝦腸一客三條，腸粉好滑溜又夠薄，每條都有兩隻蝦，足料又好鮮味。已經加上豉油，味道剛好。炸兩 $26炸兩一客兩條切開10舊，腸粉皮好滑，厚薄適中，入面油條少脆，配上3色醬，包括花生醬，豉油同甜醬。檸檬雪碧 $12檸檬雪碧係罐裝雪碧同一大杯冰分開上，冰杯有三片檸檬。淨蘿蔔牛腩 $80淨蘿蔔牛腩一上枱就聞到好香柱侯汁味，食落果然入味。牛腩都炆得好腍，份量唔少。仲有幾條牛筋。白蘿蔔幾大舊，上面灑上蔥花。今餐食物非常出色，特別鍾意呢度既腸粉，粥底同麵。裝修新淨又