巴辣仔烤魚雞煲 (加連威老道) (Closed)

當日叫咗烤魚，有三種魚可以選擇，揀咗中價位嘅魚，配菜揀咗萵苣，大豆芽，海帶，蘿蔔。食落的確係惹味，但其實係味精非常濃，未食完已經覺得口渴，而且越食越口渴，而且越煲越鹹。另外亦提一提，個爐一嚟set 大火，開始滾嘅時候轉中火，但一直好似冇咩反應咁。set 到差不多最細先控制到火力。要小心。另外其實當日係晚市早段時間大概六點幾，無幾多枱客，兩個人去二人枱放完個爐已經冇咩位，未落單前要求轉去卡位，d 阿姐推三推四又話留咗枱，最後食到差唔多埋單先有人walkin 坐卡位。其實大d 嘅枱想留俾多人嘅客咪直接講，何必講大話。