Video
Read full review
2021-12-27
234 views
嗰日想食沾麵，見到呢間評價幾兩極就入咗去試下究竟好唔好食😙-🐽特濃豚骨沾麵 ($88)湯底好濃，啲麵會掛湯，同埋入面本身都有幾塊豬肉，食落味道幾有層次不過偏鹹🤔啲麵都算彈牙，而叉燒嘅肥瘦比例幾好不過偏薄，至於啲筍味道偏淡，份量都俾得夠😗-🌶辛辣沾麵 ($93)一樣湯底都係好濃，不過食落幾開胃，啲辣味係有層次嘅辣而唔係死辣，不過如果跟塊紫菜就更加好喇😙其他嘢例如麵同叉燒大致都同特濃豚骨沾麵一樣👀-🍜柚子沾麵 ($88)湯底都算過味不過唔夠濃，同柚子味夾埋唔會好奇怪，不過個人都係覺得特濃或者辛辣好食啲🤣隻蛋可以生少少，有少少過熟同埋唔太夠味，碗麵有跟紫菜，都夠脆，上到嚟唔會淋晒~-🐔名古屋醬油黑椒雞翼 ($32 3隻)張相得兩隻，因為小編太肚餓忍唔住夾咗先影…講返正題，啲雞翼夠脆，不過要點汁先夠味，個汁係醬油味，略嫌唔夠黑椒味，不過啲雞翼都幾大隻同埋夠肉汁🙉-啲沾麵一樣都係用石鍋裝住啲湯保持温度，見menu上面仲有好多唔同嘅款式可以揀，我地午餐時間去等咗五分鐘就入到👀不過環境唔算好闊落，啲枱櫈之間如果有多啲空位出入會方便好多，同埋服務方面都係不過不失，整體而言還好🤔
-
🐽特濃豚骨沾麵 ($88)
湯底好濃，啲麵會掛湯，同埋入面本身都有幾塊豬肉，食落味道幾有層次不過偏鹹🤔啲麵都算彈牙，而叉燒嘅肥瘦比例幾好不過偏薄，至於啲筍味道偏淡，份量都俾得夠😗
-
🌶辛辣沾麵 ($93)
一樣湯底都係好濃，不過食落幾開胃，啲辣味係有層次嘅辣而唔係死辣，不過如果跟塊紫菜就更加好喇😙其他嘢例如麵同叉燒大致都同特濃豚骨沾麵一樣👀
-
🍜柚子沾麵 ($88)
湯底都算過味不過唔夠濃，同柚子味夾埋唔會好奇怪，不過個人都係覺得特濃或者辛辣好食啲🤣隻蛋可以生少少，有少少過熟同埋唔太夠味，碗麵有跟紫菜，都夠脆，上到嚟唔會淋晒~
-
🐔名古屋醬油黑椒雞翼 ($32 3隻)
張相得兩隻，因為小編太肚餓忍唔住夾咗先影…講返正題，啲雞翼夠脆，不過要點汁先夠味，個汁係醬油味，略嫌唔夠黑椒味，不過啲雞翼都幾大隻同埋夠肉汁🙉
-
啲沾麵一樣都係用石鍋裝住啲湯保持温度，見menu上面仲有好多唔同嘅款式可以揀，我地午餐時間去等咗五分鐘就入到👀不過環境唔算好闊落，啲枱櫈之間如果有多啲空位出入會方便好多，同埋服務方面都係不過不失，整體而言還好🤔
Post