Video
Read full review
2012-10-23
89 views
今次特意為依間大阪王將平反而開 OpenRice 戶口，希望以後唔好得 2 個 甘慘啦 ~ 每次去銅鑼灣都唔知食乜好，一係太貴一係等太耐。某日兩個人行到去名店坊本身想試下盛八食堂，但見大阪王將門口個display幾吸引，而且做緊優惠有 8 折，所以最後入左去大阪王將。兩個人最後揀左一個滑蛋豬扒定食、一個豆腐扒定食。定食入面除左主食同飯之外；仲包左五隻餃子、一碟小配菜 (茄子) 、茶碗蒸、麵豉湯、甜品同埋送一杯果汁。滑蛋豬扒 - 可以接受，d 粉唔算好厚。飯 - 係珍珠米入面加左d紅糙米，健康之餘食落口感我都幾鍾意。豆腐扒 - 麻麻地，下次唔會再點。餃子 - 味道不錯，果然係招牌菜 ! 茶碗蒸 - 幾好，而且最後先食都係熱既。麵豉湯 - 正正常常。甜品 - 話係師傅random出咩款，但兩款都幾好味 ! 整體來說，味道其實是不錯的，而且份量都一定足夠，食完好滿足 ! 不過唔知係咪要等晒所有食物都準備好一次過拎出黎，個人覺得食物既溫度可以再熱少少。服務方面非常非常好 ( 可能因為新開張 + 無乜生意 ) ，本身以為無乜人就侍應會唔
每次去銅鑼灣都唔知食乜好，一係太貴一係等太耐。某日兩個人行到去名店坊本身想試下盛八食堂，但見大阪王將門口個display幾吸引，而且做緊優惠有 8 折，所以最後入左去大阪王將。
兩個人最後揀左一個滑蛋豬扒定食、一個豆腐扒定食。定食入面除左主食同飯之外；仲包左五隻餃子、一碟小配菜 (茄子) 、茶碗蒸、麵豉湯、甜品同埋送一杯果汁。
滑蛋豬扒 - 可以接受，d 粉唔算好厚。
飯 - 係珍珠米入面加左d紅糙米，健康之餘食落口感我都幾鍾意。
豆腐扒 - 麻麻地，下次唔會再點。
餃子 - 味道不錯，果然係招牌菜 !
茶碗蒸 - 幾好，而且最後先食都係熱既。
麵豉湯 - 正正常常。
甜品 - 話係師傅random出咩款，但兩款都幾好味 !
整體來說，味道其實是不錯的，而且份量都一定足夠，食完好滿足 ! 不過唔知係咪要等晒所有食物都準備好一次過拎出黎，個人覺得食物既溫度可以再熱少少。
服務方面非常非常好 ( 可能因為新開張 + 無乜生意 ) ，本身以為無乜人就侍應會唔足夠，但原來都幾多人手反應又快 !
而且又坐得好舒服，就算唔係梳化位都好窩心甘準備左個籃係椅底下放手袋；加上唔洗等位依個 point 都會令我下次再去 !
Post
