Video
Read full review
2022-05-13
991 views
沙田新城巿廣場真係每逢假期都一定好多人。諗住拖到四點先去搵嘢食會少啲人, 點知周圍搵位都仲係要等。去到哩間Aburi牛丼，兩位啱啱即刻可以入 (前邊三位嗰枱都仲要等多陣。) 餓到都無力再諗。 小食叫芥辣八爪魚 ($38), 包裝貨嘢, 味道都係食開嘅， 沖繩豬肉煎餃 ($48) 都OK, 無咩特別。朋友見黑咖喱好似好得意，叫咗宮崎和牛芝士黑咖哩飯($118)，我以為哩啲玩嘢菜式好易出事，賣相仲有啲嚇人，我試佢一啖, 味道其實似普通咖哩飯，少少芝士味，合格。宮崎和牛‧鱔魚雙拼飯($169)，牛有機會係牛肋肉，因為有少少脂肪，本身好怕食和牛，就係怕油份高，佢切得都幾薄，所以反而唔太油，和牛牛肉味一向較淡，想食肉味都唔係食和牛。至於條鰻魚，係正常嘅味道，鰻魚汁夠多，最怕啲飯唔夠汁, 唔夠味。另外叫咗啤酒同特飲，無咩特別。總括而言算合格，兩個人食咗$500多少少，但唔係特別出色，如果唔駛等位，可以去食嘅，不過唔會特別主動去食第二次。
小食叫芥辣八爪魚 ($38), 包裝貨嘢, 味道都係食開嘅， 沖繩豬肉煎餃 ($48) 都OK, 無咩特別。
朋友見黑咖喱好似好得意，叫咗宮崎和牛芝士黑咖哩飯($118)，我以為哩啲玩嘢菜式好易出事，賣相仲有啲嚇人，我試佢一啖, 味道其實似普通咖哩飯，少少芝士味，合格。
宮崎和牛‧鱔魚雙拼飯($169)，牛有機會係牛肋肉，因為有少少脂肪，本身好怕食和牛，就係怕油份高，佢切得都幾薄，所以反而唔太油，和牛牛肉味一向較淡，想食肉味都唔係食和牛。至於條鰻魚，係正常嘅味道，鰻魚汁夠多，最怕啲飯唔夠汁, 唔夠味。
另外叫咗啤酒同特飲，無咩特別。
總括而言算合格，兩個人食咗$500多少少，但唔係特別出色，如果唔駛等位，可以去食嘅，不過唔會特別主動去食第二次。
Post
