御滿庭 (Closed)

大年初三夜晚，我地一家例牌同埋成大班朋友(廿幾人)食飯，順便團拜。今次去左"御滿庭"，地點都算就腳。叫左好多味，想講下比較"突出"嘅幾味。個"南乳炸肉塊"炸得幾脆，味度都可以，但食多幾件就會膩。有味"發財好市大利"，上面有啲size唔係好大嘅冬菇，得幾隻。一圍枱有成十幾人，一人分半隻都未必分到.......我覺得最經典嗰味嘅係"炸子雞"，隻雞一定係冰鮮。冰鮮雞如果處理得好嘅，都可以整得好好味。可惜佢隻炸子雞係"梅"嘅.......而且可能未解凍得透，啲雪味好勁。除左雪味之外仲有上幾味嗰個"南乳炸肉塊"嗰啲味，深信係用同一鑊油去炸。搞到好似同一味食左兩次但肉質唔同lor~而外觀方面，隻雞切得唔靚之餘，本身隻雞嘅表皮都唔係完整。對於隻雞我唔會奢望好好食，但至少可以擺得入口，隻雞真係有少少失敗。而個紅豆沙同糯米飯又唔錯，紅豆沙幾多紅豆。