牛扒先生 (Closed)

琴晚去完個舊同事屋企睇完佢個BB 後，一行四人回到新城市廣場食飯，叫左三個套餐、一個飯加一杯Cocktail！呢度既環境同食物係唔錯既，我最鐘就係佢張梳化，好舒服，價錢係略貴，但係服務奇差！落單個個女仔，我地覺得佢係度夢遊，因為第一個黎既食物就係個飯，但係我地都唔係叫個隻飯，跟住送餐既有D 疑惑，然後落單個女仔同送餐既講返話佢落錯單，都唔知有冇搞錯！然後個杯Cocktail 就失去埋蹤影，叫個男侍應黎問，佢又以為我地叫左餐飲未黎，要講一大輪先知係有個Cocktail 未黎，但係最後又係冇左回事，又係要催多次，跟住應該係由個調酒既出黎問返我地個杯係乜野黎，又一次有冇搞錯呀？張單究竟去左邊呀？係咪唔駛俾錢呀？食完之後，飲咖啡途中，人有三急，想去方便一下，一問之下，原來個度冇男洗手間，要落去六樓，勁唔方便，我真係唔知呢個係個商場既問題定係間鋪既問題，呢一樣實在好唔掂。如果呢個係商場既問題，男女洗手間係鴛鴦層既話，新城市廣場真係廿年都冇進步過，又可能係我自己已經俾奧海城縱壞左，因為奧海城所有既食肆係冇自己洗手間，全部都係共用商場既洗手間，但係人地勝在夠多，行兩步有一個，又夠乾淨！如果服務個一欄