辛味屋

Open Now

Now Closed

忙咗一個上午，终於都到咗食妟嘅時候，約埋個同事去咗附近嘅荃新天地商場度食午飯，商場入面都有好多食店選擇，同事話見到前面有間食拉麵嘅，叫做(辛味屋)，撞正食飯時間，都要等位，好在都係十零分鐘就可以入座，睇完餐牌，同事叫咗個雞扒(奄列)咖哩飯，我就要咗黑豚拉麵加一個雞軟骨，小食要咗雞骨腸，先嚟嘅係同事嘅雞扒(奄列)咖哩飯，好大碟，我叫同事比咗啲我食吓，因為望見都流口水，雞扒煎得好香脆，入口 好鬆化，跟住到我嘅黑豚拉麵同埋雞軟骨都到 ，拉麵嘅麵質好彈牙，湯都好好味，黑豚肉好冧，最後個雞骨腸都嚟啦。超好味，又大條，兩個人食到飽飽先走。