Video
Read full review
2014-07-27
2193 views
為了呢餐咁好食嘅晚飯，我決定將我嘅第一次…………寫食評送俾呢間 Wild Grass😝其實我同女朋友對食真係冇咩要求，只要係好食同付擔得起，通通照殺😂經過我一個超為食朋友嘅洗腦後，我決定揀呢間餐廳同女朋友食個 Brunch慶祝一周年😍既然決定左，就梗係要訂枱先啦。點知已經早左一星期去book，就已經 full house😩，當我灰緊果陣，侍應哥哥話有冇興趣試下個dinner，果一刻諗都冇諗就話好丫，我係絕對相信我果個食家朋友……(諗番起好彩我冇話唔使，如果唔係就錯過左一餐難忘嘅晚飯)😁入番正題，間野位於中環亞畢諾道，開頭都唔知係邊咁就打去問下，原來喺係 Dragon I 上面轉左(一講 Dragon I 就知係邊，因為我同女朋友就喺係 Dragon I 識😂)幾經辛苦，終於到達目的地……間野個 feel 好好，帶點寧靜,啱晒二人世界撐枱腳😌一坐底，侍應就好細心地問我地有冇咩特別想食，然後詳盡解釋邊幾款係好多客人係會鍾意食👍同大部份西餐一樣，menu分為A-Lacarte(即係散嗌)同Set。幾番思量後，決定每人嗌一個3courses set......因為每樣都好似好正咁😋頭盤嗌左個
其實我同女朋友對食真係冇咩要求，只要係好食同付擔得起，通通照殺😂
經過我一個超為食朋友嘅洗腦後，我決定揀呢間餐廳同女朋友食個 Brunch慶祝一周年😍
既然決定左，就梗係要訂枱先啦。點知已經早左一星期去book，就已經 full house😩，當我灰緊果陣，侍應哥哥話有冇興趣試下個dinner，果一刻諗都冇諗就話好丫，我係絕對相信我果個食家朋友……(諗番起好彩我冇話唔使，如果唔係就錯過左一餐難忘嘅晚飯)😁
入番正題，間野位於中環亞畢諾道，開頭都唔知係邊咁就打去問下，原來喺係 Dragon I 上面轉左(一講 Dragon I 就知係邊，因為我同女朋友就喺係 Dragon I 識😂)
幾經辛苦，終於到達目的地……間野個 feel 好好，帶點寧靜,啱晒二人世界撐枱腳😌
一坐底，侍應就好細心地問我地有冇咩特別想食，然後詳盡解釋邊幾款係好多客人係會鍾意食👍
同大部份西餐一樣，menu分為A-Lacarte(即係散嗌)同Set。幾番思量後，決定每人嗌一個3courses set......因為每樣都好似好正咁😋
頭盤嗌左個 Carpaccio of Amberjack 同 Piri Piri Prawn。
Amberjack係琥珀魚嘅刺身，配上帶微酸嘅passionfruit做dressing,感覺好fresh，有別於平時食嘅日本sashimi.....正
Piri Piri Prawn就用幾種不同嘅辣椒加埋garlic,cherry tomato一齊炒。辣辣地幾開胃，啲蝦仲要夠大隻又新鮮…………😆
激戰完個頭盤，就到主菜……我地揀左Roasted Halibut & Rib Eye Steak
Halibut係用半烤同半焗嘅方法，再配已原個garlic & 薯蓉做配菜……條魚啲皮帶點crispy，啲肉好滑，一食就知唔係冰鮮野。
Rib Eye Steak就係普通用煎，但要整得好食都唔係易。呢方面就真係考廚師嘅功架。我地鍾意食生啲，之前喺好多所謂專門食steak嘅地方，都滿足唔到我地，唔係太生就overcook...😒但呢到就真係煮得啱啱好，我地要medium rare...好耐都冇食過一塊咁好食嘅扒喇?😁
其實食到呢到已經好飽，但點都要同埋個甜品決戰。揀左Cheese Platter同Chocolate Fondant...😍😍
Cheese Platter有4款Cheese，加上生果，合桃同麥包，俾我地選擇唔同嘅配法👍👍
Chocolate Fondant 都唔錯，香濃嘅朱古力喺第一啖食落去蜂擁而出。再配埋Vanilla嘅雪糕中和番……一絕嘅配搭。
埋單每人大概500蚊，我覺得物超所值，無論食物，環境同服務都俾我想像中好。希望下次黎訂食 Brunch唔好再冇位……因為我真係好想食丫😁😁
Post
