Video
Read full review
2019-03-27
26 views
舊年年底已經見朋友試食過呢間位於尖沙咀嘅一盛極牛，朋友嘅評價係正面嘅，但及後我亦都睇過四方八面嘅評價，都明白各人口味有所唔同，自己試一試就最準確。收工之後專登黎到金巴利道，唔係打邊爐唔係飲野唔係韓國野，反而係黎食拉麵。餐廳喺斜路行上少少，白色大招牌好易搵店內裝潢比較簡單，一邊吧枱，其餘方枱，接近開放嘅廚房，隱約都可以見到店員燒牛。平日晚上時間人流唔多，坐得舒適，清靜啲。店員亦都可以有空閒去詳解餐牌、和牛出處，畢竟唔係個個都食過和牛刺身拉麵嘛。比較有特色應該係牆上嘅電影海報，我地仲搵到唔少一齊睇過嘅電影添。枱面整齊放左調料、水、點餐紙。餐牌專一，主打和牛拉麵，仲有一款係添加松露口味。搭配和牛刺身或火炙和牛，由醬油濃度、麵嘅軟硬到配料(芽菜、蔥、紫洋蔥、溏心蛋、紫菜、筍、紅椒絲) 全部都可以自選，牛肉三個份量，定價$108/148/188。另外有牛肉丼，分三個份量，定價$40/60/80，飯量、肉汁、蔥等都可以自選。極牛拉麵 $148/刺身、火炙和牛每張枱都有張簡介，詳述湯底同牛肉有幾利害，牛骨湯以帶骨髓嘅牛骨大火煮十幾廿個鐘，第一次食就點左原味，確實有牛味，口感厚身，唔會過份稠，飲得入口
店內裝潢比較簡單，一邊吧枱，其餘方枱，接近開放嘅廚房，隱約都可以見到店員燒牛。
平日晚上時間人流唔多，坐得舒適，清靜啲。店員亦都可以有空閒去詳解餐牌、和牛出處，畢竟唔係個個都食過和牛刺身拉麵嘛。
比較有特色應該係牆上嘅電影海報，我地仲搵到唔少一齊睇過嘅電影添。
枱面整齊放左調料、水、點餐紙。
餐牌專一，主打和牛拉麵，仲有一款係添加松露口味。搭配和牛刺身或火炙和牛，由醬油濃度、麵嘅軟硬到配料(芽菜、蔥、紫洋蔥、溏心蛋、紫菜、筍、紅椒絲) 全部都可以自選，牛肉三個份量，定價$108/148/188。
另外有牛肉丼，分三個份量，定價$40/60/80，飯量、肉汁、蔥等都可以自選。
極牛拉麵 $148/刺身、火炙和牛每張枱都有張簡介，詳述湯底同牛肉有幾利害，牛骨湯以帶骨髓嘅牛骨大火煮十幾廿個鐘，第一次食就點左原味，確實有牛味，口感厚身，唔會過份稠，飲得入口，食完亦都唔覺口乾，湯底黎講真材實料嘅牛肉可選刺身或火炙，亦都可以好似我地咁點兩份試哂，按店員意見，如果湯底濃度揀普通，就最好配三至四款配料，唔會影響牛骨湯本身嘅味道；如果想要多啲配料，佢會建議揀濃味。
和牛來自熊本縣嘅頂級品種「和王」大腿上肉，和牛刺身要盡快食用，我地都急急腳影張相就算，以免俾熱湯浸熟左，影響鮮味。
火炙和牛份量唔多，有正常和牛香，油份唔係爆瀉嗰種，肉質軟腍。
麵質揀普通，食落偏硬身，見過有啲評價話似公仔麵，嗯，個人認為真係唔似，哈，各人口味唔同啦。
牛肉丼 $68/250g +生玉子 $5牛肉用上安格斯，同和牛油脂感及軟諗質感唔同，特意做到牛肉乾身啲，唔會太多肉汁或者太肥膩，口感raw啲。
肉味都比想像中明顯，配埋生玉子撈勻食，會順滑啲。
最後同店員傾左陣，非常專業，得到唔少關於食材嘅知識，學到野啦
Post
