七福神和食亭

Open Now

Now Closed

每次經開佐敦呢頭又想食日本菜時, 腦海裏一定諗起呢間和食亭.............打開一系列有食物相片既餐牌, 種類選擇都幾多, 刺身, 壽司, 沙律, 炸物, 燒物, 小食, 飲品, 甜品一應俱全點了我既和食必食之一, 蟹籽沙律($38/小), 若然你有朋友亦係呢味既忠粉, 黎呢度叫一客應該可以滿足到佢, 份量超多, 足夠3-4人分享, 口感爆脆既蟹籽及香甜蟹柳放於爽脆多汁既青瓜絲上, 將沙律汁撈勻後就食得!呢客六品刺身盛盒 ($168), 賣相吸引, 六品包括:三文魚，鱆紅魚，吞拿魚，北寄貝，帶子及甘蝦各３件，我再另加活赤貝刺身 ($48/本)，每款刺身都食落鮮味，而且有返咁上下厚度，保持應有口感；個人推介活赤貝刺身，口感爽脆唔腥！呢度都有自選壽司供應，係咁易叫左呢３款黎試下：鰻魚壽司, 八爪魚壽司, 帶子壽司，唔算太大舊，食完都唔會太飽肚，可以再食其他們呢味炭火燒河豚干 ($32)，燒完切成條狀方便進食，曬上少少七味粉調味, 再點少少沙律醬, 食落味道偏甜有咬口, 用黎送酒係一個唔錯之選!呢味鐵板牛柳粒粒燒 ($55), 又係必食之一, 熱辣辣上枱, 嫩滑牛柳粒伴似香滑薯蓉,